Sem aðili að húsfélagi þar sem starfsemi hafði legið í dvala og margt verið látið reka á reiðanum kom Eignaumsjón sterk inn og hjálpaði okkur að koma rekstrinum í gott horf aftur. Endurskipulagning gekk mjög vel og utanumhald utan um daglegan rekstur í framhaldi hefur verið í föstum skorðum. Það er okkar reynsla að starfsfólk Eignaumsjónar sé ætíð til staðar fyrir sína viðskiptavini, viðbragðstími vegna fyrirspurna og aðstoðar stuttur og gögn og upplýsingar ávallt til og aðgengilegar.Sem aðili að húsfélagi þar sem starfsemi hafði legið í dvala og margt verið látið reka á reiðanum kom Eignaumsjón sterk inn og hjálpaði okkur að koma rekstrinum í gott horf aftur. Endurskipulagning gekk mjög vel og utanumhald utan um daglegan rekstur í framhaldi hefur verið í föstum skorðum. Það er okkar reynsla að starfsfólk Eignaumsjónar sé ætíð til staðar fyrir sína viðskiptavini, viðbragðstími vegna fyrirspurna og aðstoðar stuttur og gögn og upplýsingar ávallt til og aðgengilegar.

Helga Sigrún Harðardóttir
formaður rekstrarfélagsins Þórunnartún 2

Við erum mjög sátt við þjónustuna hjá Eignaumsjón sem sér um fjármál og fundi fyrir okkur, útvegar þjónustu og annast húsumsjón eftir að við hættum með húsvörð. Þá völdum við Eignaumsjón vegna reynslu og þekkingar þeirra og hefur samstarfið gengið eintaklega vel. Húsumsjónarmennirnir mæta vikulega til okkar, sinna minniháttar viðhaldi og fleiru og tryggja að allt sé í standi í sameigninni – sem er afskaplega þægilegt!

Bjarni Ómar Jónsson
formaður húsfélagsins Skúlagata 40, 40a og 40b (68 eignir/íbúðir)

Samstarfið hefur gengið vel og ég gæfi ekki kost á mér til formennsku ef húsfélögin nytu ekki þjónustu og stuðnings Eignaumsjónar. Eignaumsjón er heppin með starfsfólk og það er sama hver tekur við erindum, ég fæ alltaf úrlausn fljótt og vel. Þá er vel haldið utan um húsfélagsfundi og fundargögn, skipulag funda er gott og mál ganga hnökralaust fyrir sig. Vel er líka staðið að upplýsingagjöf og geta allir sett sig inn í mál í Húsbókinni, mínum síðum eigenda.

Albert Ingason
Formaður húsfélagsins Bólstaðarhlíð 45 og lóðarfélagsins Bólstaðarhlíð 41-45

Við höfum nýtt okkur þjónustu Eignaumsjónar undanfarin ár. Starfsfólk er til fyrirmyndar, bæði hvað varðar bókhald, sem og allra aðra þjónustu, þ. á m. aðalfundi húsfélagsins okkar. Liðlegheit og góð þjónustulund hefur einkennt öll samskipti okkar við starfsfólk Eignaumsjónar.

Karl Jónas Gíslason
Formaður húsfélagsins Háaleitisbraut 68 – Austurver

Því fylgir mikil ábyrgð að vera í stjórn í húsfélagi og því er mikið öryggi að vera í þjónustu hjá fyrirtæki eins og Eignaumsjón, sem sérhæfir sig í slíkum rekstri. Þjónustan er fagleg, aðalfundurinn í traustum höndum, rekstraráætlun er skýr og auðskiljanleg og allt starfsfólk alúðlegt og lausnamiðað. Íbúar eru vel upplýstir þar sem MÍNAR SÍÐUR eru frábær kostur. Stjórnin fær góðan stuðning við öll viðfangsefni. Við í Asparfelli 2-12 erum mjög ánægð með þjónustuna sem við fáum hjá Eignaumsjón.

Birgitta Bóasdóttir
formaður stjórnar húsfélagsins Asparfell 2-12 (196 íbúðir í deildaskiptu félagi)

Samstarf við Eignaumsjón kom reglu á húsfélagið okkar en það hafði verið í ólestri til margra ára. Bókhaldið var ekki uppfært, álagning húsgjalda stóð á veikum grunni, aðalfundir voru tæpast haldnir, upplýsingar um reksturinn voru ófullnægjandi og húsið var sannarlega komið í viðhaldsþörf. Þetta gerbreyttist með aðkomu Eignaumsjónar og nýrrar stjórnar, reglu var komið á bókhald, innheimtu og rekstur og einnig var ráðist í umtalsverðar viðhaldsframkvæmdir þegar búið var að taka lögmæta ákvörðum. Stjórn, íbúar og eigendur hússins eru hæstánægðir.

Jónas Friðgeirsson
formaður Eiðistorgi 13-15 (32 eignir/íbúðir og atvinnuhúsnæði)

Þegar ég tók til starfa í húsfélaginu fyrir nokkrum árum var Eignaumsjón ráðin til að sjá um rekstur húsfélagsins og hafa öll samskipti verið hnökralaus. Þegar farið var í stórar framkvæmdir utanhúss, sem stóðu í um tíu mánuði, reyndi mikið á. Eignaumsjón kom að ýmsum málum og voru öll samskipti 100%. Ég tel að ekki hefði verið unnt að vinna að undirbúningi og verkáætlun eins vel og gert var án aðildar Eignarumsjónar og gef ég þar af leiðandi félaginu okkar bestu meðmæli.

Jónína Björk Óskarsdóttir
formaður húsfélagsins Engihjalla 3 (48 íbúða hús)

Rekstur húsfélagsins í Orrahólum 7 tók miklum stakkaskiptum þegar gengið var til liðs við Eignaumsjón. Fjármálum, álagningu húsgjalda, innheimtu þeirra og bókhaldi var komið í lag og er það nú uppfært og greinilegt, öfugt við það sem áður var. Starfsfólk Eignaumsjónar er sérlega þægilegt og vinnur verk sín af trúmennsku og dugnaði. Þjonusta þeirra hefur nýst okkur vel og ég mæli hiklaust með Eignaumsjón sem valkosti fyrir húsfélög!

Gunnar Valur Jónsson

fyrrverandi formaður í Orrahólum 7 (52 íbúða hús)

Áður fyrr voru málefni húsfélagsins engan veginn í lagi. Illa var haldið utan um fjármál og bókhald, málin voru þokukennd og stundum villandi fyrir eigendur. Að fá Eignaumsjón til að sjá um húsfélagið hefur breytt öllu, ekki bara fyrir stjórnina heldur líka fyrir íbúa og eigendur. Starfsfólkið heldur vel utan um dagleg mál, stjórn fær þann stuðning sem nauðsynlegur er og íbúar fá þær upplýsingar sem þarf til að góð sátt ríki innan hússins.

Guðrún Ansnes
fyrrverandi formaður Kleppsvegi 34-38 (26 íbúða hús)

Þjónusta Eignaumsjónar er tvímælalaust skilvirk og unnin á faglegan hátt. Þjónustan sparar mikinn tíma og fyrirhöfn við fjármál og rekstur húsfélagsins. Þetta á við störf sem snúa að gjaldkera, s.s. umsjón með innheimtu, greiðslu reikninga, færslu bókhalds og undirbúning aðalfundar. Þá hefur reynst dýrmætt að geta leitað til Eignaumsjónar varðandi útvegun aðkeyptrar þjónustu, s.s. trygginga og verktaka. Ég get óhikað mælt með Eignaumsjón.

Jón Ellert Lárusson
fyrrverandi gjaldkeri Blásölum 22 (46 íbúða hús)

Við hófum samstarf við Eignaumsjón árið 2008. Húsfélagið er nokkuð stórt húsfélag þannig að gjaldkerastarfið var fyrirhafnarsamt og fannst okkur ekki ganga að leggja þetta á einn eiganda og sáum við ekki eftir þessari ákvörðun. Við í stjórninni fengum góðan stuðning við daglega stjórn húsfélagsins og hvernig stærri mál eru lögð faglega upp fyrir húsfundi. Með þennan stuðning við bakið gat ég sem formaður stigið fram af öryggi og lagt upp mál sem ég hefði annars ekki gert. Utanhússframkvæmdir sem farið var í gengu vel og afraksturinn varð viðurkenning umhverfissviðs Reykjavíkurborgar sumarið 2010. Þetta vil ég fyrst og fremst þakka góðri þjónustu Eignaumsjónar.

Hjörtur Traustason
fyrrverandi formaður Berjarima 20-28 (30 íbúðir)